marathi-charoli

समतेच्या स्वच्छ कल्पना

समतेच्या स्वच्छ कल्पना
माझ्या मनात पक्क्या आहेत
प्रबोधनासाठीच लिहिलेल्या
चिंतनिका अगदी सच्च्या आहेत

मुलगा वंशाचा दिवा

 मुलगा वंशाचा दिवा
सांगत फिरणाऱ्यांचा वाटतो खेद
दोन कुळांच्या विस्तारवेलीचा
गर्भाशयात का विच्छेद

हिरे मोती अलंकारांनी

 हिरे मोती अलंकारांनी
सजतो विश्वसुंदरीचा किरीट
नग्न भिक्षूंच्या देशात
कशास हवा परीट

उमलण्या आधी येथे

उमलण्या आधी येथे
खुडली जाते कळी
देवापुढे कशासाठी
दिला जातो बळी