दिल्लीतील मराठी लेखक / प्रकाशकांनाही संधी
नवी दिल्ली : महाराष्ट्र शासनाच्यावतीने देण्यात येणाऱ्‍या ‘स्व. यशवंतराव चव्हाण राज्य वाङ्मय पुरस्कारासाठीच्या’ प्रवेशिका महाराष्ट्र राज्य साहित्य आणि संस्कृती मंडळाच्या कार्यालयात मागविण्यात आली आहेत. या पुरस्कारांतर्गत दिल्लीसह बृहन्महाराष्ट्रातील मराठी लेखक व प्रकाशकांना ‘सरफोजीराजे भोसले बृहन्महाराष्ट्र पुरस्कारासाठी’ महाराष्ट्र परिचय केंद्र नवी दिल्ली येथे प्रवेशिका पाठविता येणार आहे.
मराठी भाषेतील उत्कृष्ट वाङ्मय निर्मितीसाठी राज्य शासनाच्या महाराष्ट्र राज्य साहित्य आणि संस्कृती मंडळाच्यावतीने ‘स्व.यशवंतराव चव्हाण राज्य वाङ्मय पुरस्कार योजने’अंतर्गत विविध साहित्य प्रकारांसाठी पुरस्कार प्रदान करण्यात येतात. प्रकाशन वर्ष 2017 करिता दिनांक 1 जानेवारी ते 31 डिसेंबर 2017 या कालावधीत प्रकाशित पुस्तके आणि प्रवेशिका या स्पर्धेसाठी दिनांक 1 ते 31 जानेवारी 2018 या कालावधी दरम्यान पाठविता येणार आहे.
एकूण 4 विभाग, 34 साहित्य प्रकार आणि 29 लाख रूपये पुरस्कार राशी
स्व.यशवंतराव चव्हाण राज्य वाड़मय पुरस्कार योजनेअंतर्गत एकूण चार विभागात 34 साहित्य प्रकारांसाठी प्रवेशिका मागविण्यात आल्या आहेत. प्रौढ वाङमय विभागात काव्यासाठी ‘कवी केशवसुत पुरस्कार’ (पुरस्कार राशी 1,00,000 रूपये), कादंबरीसाठी ‘हरी नारायण आपटे पुरस्कार’ (पुरस्कार राशी 1,00,000 रूपये) अशा एकूण 22 साहित्य प्रकारात 22,00,000 रूपयांची पुरस्कार राशी आहे. बाल वाङमय विभागात कवितेसाठी ‘बालकवी पुरस्कार’(पुरस्कार राशी 50,000 रूपये), कादंबरीसाठी ‘ सानेगुरूजी पुरस्कार’ (पुरस्कार राशी 50,000) अशा एकूण 6 साहित्य प्रकारात 3,00,000 रूपयांची पुरस्कार राशी आहे. प्रथम प्रकाशन प्रकारात काव्यासाठी ‘बहिणाबाई चौधरी पुरस्कार’ (पुरस्कार राशी 50,000 रूपये), नाटकासाठी ‘ विजय तेंडुलकर पुरस्कार’ (पुरस्कार राशी 50,000) अशा एकूण 6 साहित्य प्रकारात 3,00,000 रूपयांची पुरस्कार राशी आहे. सरफोजीराजे भोसले बृहन्महाराष्ट्र पुरस्कार हा खास बृहन्महाराष्ट्रातील उत्कृष्ट साहित्य निर्मितीसाठी प्रदान करण्यात येणार आहे. साहित्याच्या सर्व प्रकारातील साहित्यकृती या पुरस्कारासाठी पाठविता येणार असून उत्कृष्ट साहित्य कृतीस ‘सयाजी महाराज गायकवाड पुरस्कार’ (पुरस्कार राशी 1,00,000 रूपये) प्रदान करण्यात येणार आहे. या पुरस्कारासाठी प्रवेशिका व पुस्तके महाराष्ट्र राज्य साहित्य आणि संस्कृती मंडळाच्या कार्यालयात किंवा महाराष्ट्र परिचय केंद्र नवी दिल्ली पाठविता येणार आहे.
या स्पर्धेची नियमावली व प्रवेशिका सचिव, महाराष्ट्र राज्य साहित्य आणि संस्कृती मंडळ, रवींद्र नाट्य मंदिर इमारत, दुसरा मजला, सयानी रोड, प्रभादेवी, मुंबई-400 025 यांच्या कार्यालयात उपलब्ध आहे. तसेच, बृहन्महाराष्ट्रातील लेखक व प्रकाशकांसाठी महाराष्ट्र परिचय केंद्र, ए/8, स्टेट एम्पोरिया बिल्डींग, बाबाखडक सिंह मार्ग, नवी दिल्ली या कार्यालयातही स्पर्धेची नियमावली व प्रवेशिका उपलब्ध आहे. याशिवाय, महाराष्ट्र शासनाच्या www.maharashtra.gov.in या संकेतस्थळावर ‘नवीन संदेश’ या सदरात ‘स्व.यशवंतराव चव्हाण राज्य वाङमय पुरस्कार 2017 नियमावली व प्रवेशिका’ या शिर्षाखाली व महाराष्ट्र राज्य साहित्य आणि संस्कृती मंडळाच्या http://msblc.maharashtra.gov.in या संकेतस्थळावर प्रवेशिका व नियमपुस्तिका उपलब्ध होतील. बृहन्महाराष्ट्र क्षेत्रातील विजेत्यांसाठी सरफोजीराजे भोसले बृहन्महाराष्ट्र पुरस्कार (सर्व साहित्य) साठी निवड केली जाईल. प्रवेशिका पूर्णत: भरुन आवश्यक साहित्यासह सचिव, महाराष्ट्र राज्य साहित्य आणि संस्कृती मंडळाच्या कार्यालयात दिनांक 31 जानेवारी 2018 पर्यंत पोहचतील अशा बेताने पाठवाव्यात. लेखक / प्रकाशक या स्पेर्धसाठी प्रवेशिका दाखल करु शकतात.
ज्या लेखक व प्रकाशकांना या योजनेत भाग घ्यावयाचा असेल त्यांनी (मुंबईतील लेखक /प्रकाशकांनी) पुस्तकांच्या दोन प्रतींसह विहीत नमुन्यातील प्रवेशिका सचिव, महाराष्ट्र राज्य साहित्य आणि संस्कृती मंडळ, रवींद्र नाट्य मंदिर इमारत, दुसरा मजला, सयानी रोड, प्रभादेवी, मुंबई 400 025 येथे पाठवाव्यात. मुंबई वगळता राज्यातील अन्य ठिकाणच्या लेखक /प्रकाशकांनी संबंधित जिल्हाधिकारी कार्यालयामध्ये, बृहन्महाराष्ट्रातील लेखक व प्रकाशकांनी थेट महाराष्ट्र राज्य साहित्य आणि संस्कृती मंडळाच्या मुख्य कार्यालयात किंवा महाराष्ट्र परिचय केंद्र, नवी दिल्ली या कार्यालयाकडे हे साहित्य व प्रवेशिका दिनांक 1 जानेवारी ते 31 जानेवारी 2018 पर्यंत पाठवाव्यात, असे आवाहन सचिव, महाराष्ट्र राज्य साहित्य आणि संस्कृती मंडळ यांनी केले आहे.
पुरस्कारासाठीची प्रवेशिका व नियमावली या कार्यालयास प्राप्त झाली असून इच्छुकांना पाहण्यासाठी व सहभाग घेण्यासाठी या कार्यालयात उपलब्ध आहे.
source:महान्यूज
नवी दिल्ली : महाराष्ट्र शासनाच्यावतीने देण्यात येणाऱ्‍या ‘स्व. यशवंतराव चव्हाण राज्य वाङ्मय पुरस्कारासाठीच्या’ प्रवेशिका महाराष्ट्र राज्य साहित्य आणि संस्कृती मंडळाच्या कार्यालयात मागविण्यात आली आहेत. या पुरस्कारांतर्गत दिल्लीसह बृहन्महाराष्ट्रातील मराठी लेखक व प्रकाशकांना ‘सरफोजीराजे भोसले बृहन्महाराष्ट्र पुरस्कारासाठी’ महाराष्ट्र परिचय केंद्र नवी दिल्ली येथे प्रवेशिका पाठविता येणार आहे.
मराठी भाषेतील उत्कृष्ट वाङ्मय निर्मितीसाठी राज्य शासनाच्या महाराष्ट्र राज्य साहित्य आणि संस्कृती मंडळाच्यावतीने ‘स्व.यशवंतराव चव्हाण राज्य वाङ्मय पुरस्कार योजने’अंतर्गत विविध साहित्य प्रकारांसाठी पुरस्कार प्रदान करण्यात येतात. प्रकाशन वर्ष 2017 करिता दिनांक 1 जानेवारी ते 31 डिसेंबर 2017 या कालावधीत प्रकाशित पुस्तके आणि प्रवेशिका या स्पर्धेसाठी दिनांक 1 ते 31 जानेवारी 2018 या कालावधी दरम्यान पाठविता येणार आहे.
एकूण 4 विभाग, 34 साहित्य प्रकार आणि 29 लाख रूपये पुरस्कार राशी
स्व.यशवंतराव चव्हाण राज्य वाड़मय पुरस्कार योजनेअंतर्गत एकूण चार विभागात 34 साहित्य प्रकारांसाठी प्रवेशिका मागविण्यात आल्या आहेत. प्रौढ वाङमय विभागात काव्यासाठी ‘कवी केशवसुत पुरस्कार’ (पुरस्कार राशी 1,00,000 रूपये), कादंबरीसाठी ‘हरी नारायण आपटे पुरस्कार’ (पुरस्कार राशी 1,00,000 रूपये) अशा एकूण 22 साहित्य प्रकारात 22,00,000 रूपयांची पुरस्कार राशी आहे. बाल वाङमय विभागात कवितेसाठी ‘बालकवी पुरस्कार’(पुरस्कार राशी 50,000 रूपये), कादंबरीसाठी ‘ सानेगुरूजी पुरस्कार’ (पुरस्कार राशी 50,000) अशा एकूण 6 साहित्य प्रकारात 3,00,000 रूपयांची पुरस्कार राशी आहे. प्रथम प्रकाशन प्रकारात काव्यासाठी ‘बहिणाबाई चौधरी पुरस्कार’ (पुरस्कार राशी 50,000 रूपये), नाटकासाठी ‘ विजय तेंडुलकर पुरस्कार’ (पुरस्कार राशी 50,000) अशा एकूण 6 साहित्य प्रकारात 3,00,000 रूपयांची पुरस्कार राशी आहे. सरफोजीराजे भोसले बृहन्महाराष्ट्र पुरस्कार हा खास बृहन्महाराष्ट्रातील उत्कृष्ट साहित्य निर्मितीसाठी प्रदान करण्यात येणार आहे. साहित्याच्या सर्व प्रकारातील साहित्यकृती या पुरस्कारासाठी पाठविता येणार असून उत्कृष्ट साहित्य कृतीस ‘सयाजी महाराज गायकवाड पुरस्कार’ (पुरस्कार राशी 1,00,000 रूपये) प्रदान करण्यात येणार आहे. या पुरस्कारासाठी प्रवेशिका व पुस्तके महाराष्ट्र राज्य साहित्य आणि संस्कृती मंडळाच्या कार्यालयात किंवा महाराष्ट्र परिचय केंद्र नवी दिल्ली पाठविता येणार आहे.
या स्पर्धेची नियमावली व प्रवेशिका सचिव, महाराष्ट्र राज्य साहित्य आणि संस्कृती मंडळ, रवींद्र नाट्य मंदिर इमारत, दुसरा मजला, सयानी रोड, प्रभादेवी, मुंबई-400 025 यांच्या कार्यालयात उपलब्ध आहे. तसेच, बृहन्महाराष्ट्रातील लेखक व प्रकाशकांसाठी महाराष्ट्र परिचय केंद्र, ए/8, स्टेट एम्पोरिया बिल्डींग, बाबाखडक सिंह मार्ग, नवी दिल्ली या कार्यालयातही स्पर्धेची नियमावली व प्रवेशिका उपलब्ध आहे. याशिवाय, महाराष्ट्र शासनाच्या www.maharashtra.gov.in या संकेतस्थळावर ‘नवीन संदेश’ या सदरात ‘स्व.यशवंतराव चव्हाण राज्य वाङमय पुरस्कार 2017 नियमावली व प्रवेशिका’ या शिर्षाखाली व महाराष्ट्र राज्य साहित्य आणि संस्कृती मंडळाच्या http://msblc.maharashtra.gov.in या संकेतस्थळावर प्रवेशिका व नियमपुस्तिका उपलब्ध होतील. बृहन्महाराष्ट्र क्षेत्रातील विजेत्यांसाठी सरफोजीराजे भोसले बृहन्महाराष्ट्र पुरस्कार (सर्व साहित्य) साठी निवड केली जाईल. प्रवेशिका पूर्णत: भरुन आवश्यक साहित्यासह सचिव, महाराष्ट्र राज्य साहित्य आणि संस्कृती मंडळाच्या कार्यालयात दिनांक 31 जानेवारी 2018 पर्यंत पोहचतील अशा बेताने पाठवाव्यात. लेखक / प्रकाशक या स्पेर्धसाठी प्रवेशिका दाखल करु शकतात.
ज्या लेखक व प्रकाशकांना या योजनेत भाग घ्यावयाचा असेल त्यांनी (मुंबईतील लेखक /प्रकाशकांनी) पुस्तकांच्या दोन प्रतींसह विहीत नमुन्यातील प्रवेशिका सचिव, महाराष्ट्र राज्य साहित्य आणि संस्कृती मंडळ, रवींद्र नाट्य मंदिर इमारत, दुसरा मजला, सयानी रोड, प्रभादेवी, मुंबई 400 025 येथे पाठवाव्यात. मुंबई वगळता राज्यातील अन्य ठिकाणच्या लेखक /प्रकाशकांनी संबंधित जिल्हाधिकारी कार्यालयामध्ये, बृहन्महाराष्ट्रातील लेखक व प्रकाशकांनी थेट महाराष्ट्र राज्य साहित्य आणि संस्कृती मंडळाच्या मुख्य कार्यालयात किंवा महाराष्ट्र परिचय केंद्र, नवी दिल्ली या कार्यालयाकडे हे साहित्य व प्रवेशिका दिनांक 1 जानेवारी ते 31 जानेवारी 2018 पर्यंत पाठवाव्यात, असे आवाहन सचिव, महाराष्ट्र राज्य साहित्य आणि संस्कृती मंडळ यांनी केले आहे.
पुरस्कारासाठीची प्रवेशिका व नियमावली या कार्यालयास प्राप्त झाली असून इच्छुकांना पाहण्यासाठी व सहभाग घेण्यासाठी या कार्यालयात उपलब्ध आहे.
source:महान्यूज
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment